ბლოგის
''პორტფოლიო'' შექმნის მიზანი და ბლოგის შინაარსი
ბლოგი შევქმენი 2013 წელს და გადავახალისე 2018 წელს. მთელი ამ
წლების მანძილზე ვმუშაობ მის დახვეწასა და გაუმჯობესებაზე. ბლოგი საგანმანათლებლო დანიშნულებისაა. საჯარო სკოლაში მუშაობის მანძილზე მე, როგორც პედაგოგს, დამიგროვდა საკმაო ცოდნა და პროფესიული გამოცდილება, ამიტომ გადავწყვიტე შემექმნა ბლოგი, რომლის საშუალებითაც ჩემს პრაქტიკულ გამოცდილებას გავუზიარებდი ჩემს კოლეგებს, მივიღებდი მათგან უკუკავშირს რჩევებისა და რეკომენდაციების სახით .
ვინაიდან სქემის შექმნის დღიდან აქტიურად ვარ ჩართული მის განხორციელებაში, ამიტომ მიწევს მრავალი სხვადასხვა აქტივობის განხორციელება, რომელთა დამადასტურებელი მასალა აუცილებლად აიტვირთება ჩემს ბლოგზე. აქ დაინტერესებულ პედაგოგებს შეუძლიათ იხილონ: გაკვეთილის გეგმები, თემატურ-კალენდარული გეგმები, პრეზენტაციები, რესურსები. ვინაიდან აქტიურად ვთანამშრომლობ კოლეგებთან, ბლოგზე ნახავთ ჩემ მიერ ორგანიზებულ შეხვედრებს კოლეგებთან მათთვის საინტერესო თემებზე, რომლებიც ეხება უშუალოდ საგანსა და სწავლა/სწავლების მეთოდოლოგიას. სკოლაში ფუნქციონირებს საწრეო და საკლუბო მუშაობა, მეც აქტიურად ვარ ჩაბმული ამ აქტივობებში, სამუშაო პროგრამებს, ასევე სხვადსხვა განხორციელებული აქტივობების დამადასტურებელ მასალებს იპოვით ბმულებზე საწრეო და საკლუბო მუშაობა.
მიმაჩნია, რომ ბლოგი კარგად მაქვს ორგანიზებული: მთავარ გვერდზე განთავსებულია ინფორმაცია ჩემ შესახებ, განათლების სამინისტროს ლოგო, პირდაპირ ბლოგიდან შეიძლება მასზე გადასვლა და საჭირო ინფორმაციის მოძიება. ასევე აქვეა YouTube-ის ლოგო, მასწავლებელთა პროფესიული განვითარების ეროვნული ცენტრის ლოგო, ბლოგის სტუმარი. ბლოგს აქვს სარჩევი და ბმულების საშუალებით შეიძლება გადასვლა თქვენთვის საინტერესო გვერდზე. ხშირად შევდივარ და ვათვალიერებ სტატისტიკურ მონაცემებს და მიხარია, რომ ჩემს ბლოგს ნახულობენ. ჩემთვის ძალიან მნიშვნელოვანია მომაწოდონ უკუკავშირი, რათა გავაუმჯობესო ჩემი მუშაობა.
